Бірнеше жыл бойы Теміртау қаласындағы SOS Балалар ауылының
тəрбиеленушілері мен ата-ана-тəрбиешілері адам өмірі, табиғат, отбасы, еңбек жəне ізгілік құндылықтарын насихаттайтын жобаларды жүзеге асырып келеді.
Бұл жобалар қатарында фильмдерді бірге көріп, талқылайтын «Киноклуб», үстел ойындары ұйымдастырылатын «Ойынхана» жəне көкөніс өсіруге арналған «Жылыжай» бар. Əрбір отбасы жоспар құрып, іс-шараларды өздері ұйымдастырып өткізді.
Ал биыл «Ізгі істер» деп аталатын бір үлкен ортақ жоба жасау туралы шешім қабылданып, ол 3 негізгі кезеңге бөлінді:
1. «Ізгі істер. Өз-өзіңнен баста» атты мастер-класстар апталығы.
Əр бала өз қабілеттерін анықтап, мастер-класс өткізді. Бірі басқаларға түйіршіксіз жарма ботқасын қайнатуды үйретсе, енді бірі түйме қадауды көрсетті, ал тағы бірі гитарада қарапайым əуендерді орындау əдісін бөлісті.
2. SOS Балалар ауылының аумағынан тыс əрекеттер.
Балалар жануарларға қамқорлық жасап, экология мəселелерімен айналысып, қарттарға қолдау көрсетті. Олар баспаналарға барып, жалғыз басты зейнеткерлерге көмектесіп, ауыл айналасын қоқыстан тазалады. Кейін
кейбіреулері пластик бөтелкелерді, макулатураны, батарейкалар мен шамдарды жинап, қайта өңдеуге тапсыруға кірісті.
3. Тəжірибе алмасу.
Қорытынды кезеңде балалар өз əсерлерімен бөлісіп, қандай қиындықтарға тап болғанын, не ұнағанын жəне не
ұнамағанын айтып берді.
Бұл жоба қатысушылар үшін нағыз өмір мектебіне айналды. Балалар əлемді басқа қырынан көріп, көмекке мұқтаж жандарға көбірек көңіл бөле бастады. Тіпті ең кішкентай игі істердің өзі жүректерді жылытып, əлемді мейірімді ете алатынын түсінді.
