«АСАР» дағдарыс орталығы
«АСАР» орталығы балаларына жалғыз қамқорлық жасайтын және өмірде қиындықтарға тап болған аналарға көмектеседі.
«АСАР» мамандары әйелдерге дағдарысты жеңуге, отбасылары үшін жақсы болашаққа арналған жоспар құруға және оны іске асыруға көмектеседі.
«АСАР» қандай отбасыларға көмектеседі?
БОҚО мамандары өмірде қиындықтарға тап болған 1,5 жастан 10 жасқа дейінгі балалары бар толық емес отбасыларға қолдау көрсетеді:
– тұрғын үйдің, білімнің немесе құжаттардың болмауы
– балаларды асырау мүмкіндігінің болмауы (кіріс ең төменгі күнкөріс деңгейінен аспайды)
– асыраушысынан айырылу немесе туыстық байланыстарын жоғалту
Бұл жағдайлардың барлығы баланың салауатты отбасы жағдайында өсу мүмкіндігіне кері әсер етеді және оны отбасынан алып қою қаупін арттырады. Біз осы қауіптерді жеңу үшін жан-жақты көмек ұсынамыз
«АСАР» орталығы не істейді?
Қиын кезеңде көптеген отбасылар жедел және жан-жақты қолдауды қажет етеді. Сондықтан жобаға қатысушылар үшін басты артықшылығы – бірнеше аптадан 6 айға дейінгі мерзімге «АСАР» орталығында тұру мүмкіндігі. «Асарда» олар алты отбасыға арналған үйде тұрады және мамандардың көмегін алады.
«АСАР» орталығы мамандарының қолдауымен әйелдер жұмыс табу үшін кәсіптік оқудан өте алады, өздеріне тиесілі мемлекеттік жәрдемақыларды алуға өтініш беру үшін заңгерлерден кеңес ала алады, баланы әлеуметтік жұмыскерлердің қолдауымен балабақшаға орналастыра алады, психологтің көмегін ала алады. Әр әйелдің қажеттіліктеріне байланысты «АСАР» мамандары олар үшін жеке көмек бағытын құрады.
«АСАР» орталығында аналар мен олардың балаларына жинақталған қиындықтарды шешу үшін уақыт беріледі. Орталықта тұруды аяқтайтын отбасыларға мамандар қолдау көрсете береді: қажет болған жағдайда олардың өмірінің жаңа кезеңінде көмек көрсету үшін оларға 6 айға дейін қолдау көрсетеміз.
