Асырап алушы ата-аналар мектебі
Ата-анасының қамқорлығынсыз қалған баланы отбасына қабылдау – дайындықты қажет ететін маңызды қадам. Көп жағдайда асырап алушы ата-аналар отбасында жаңа адам пайда болған соң олардың өмірі қалай өзгеретінін толық түсіне бермейді. Бұл балалардың одан да ауыр психологиялық күйзеліске тап болып, балалар мекемелеріне қайта оралуына әкеліп соғады.
Мұндай жағдайлардың алдын алу үшін баланы отбасыға қабылдауға дайындалуға мүмкіндік беретін Асырап алушы ата-аналар мектебін өткіземіз. SOS Қазақстан балалар ауылдары – Асырап алушы ата-аналар мектебін күндізгі форматта және қазақ және орыс тілдерінде өткізетін еліміздегі санаулы ұйымдардың бірі. Сабақтар тегін өткізіледі.
Алматы қаласы, Астана қаласы, Теміртау қаласы
Қалай асырап алушы ата-ана болуға болады?
Алмастырушы ата-ана болуға кез келген үміткердің жолы Асырап алушы ата-аналар мектебінен басталады. 2020 жылдан бастап Асырап алушы ата-аналар мектебі ата-анасының қамқорлығынсыз қалған баланы тәрбиелеуге алғысы келетіндердің барлығына міндетті болды.
Сабақ басталар алдында мектеп мамандары үміткерлерге тестілеу жүргізіп, психологиялық кеңес береді. Олар бірге үміткерлердің асырып алушы ата-ана болуға деген уәждері мен үмітін, олардың психологиялық ерекшеліктерін, отбасы ішіндегі қарым-қатынастарын және бала тәрбиесіне деген көзқарастарын зерттейді.
Тестілеу қорытындысы бойынша оң нәтиже алғаннан кейін үміткерлер Мектепте оқуды бастайды. Барлық сабаққа қатысқан кезде олар растайтын сертификат алады және қорытынды кеңеске шақырылады. Оның қорытындысы бойынша Мектеп мамандары ұсыным береді: егер ол оң болса, үміткер баланы отбасына қабылдауға үміткер бола алады.
Асырап алушы ата-аналар мектебінде оқыту қалай өтеді?
Сабақтарға тек дәрістер ғана емес, сонымен қатар тренингтер, «миға шабуыл», рөлдік ойындар және топтық тәжірибелік жұмыс кіреді. Біздің тәжірибеміз көрсеткендей, тәжірибелік жұмыстар үміткерлерге қажетті білімді жақсы меңгеруге, қызығушылық пен ынтаны сақтауға көмектеседі.
Сабақтар бағдарламасы үміткерлерді асырап алынған баланы тәрбиелеудің әртүрлі аспектілеріне дайындайды, мысалы:
1. Жас ерекшілігіне байланысты дағдарыстар
2. Алдыңғы зақым алу тәжірибесінің балалардың мінез-құлқы мен дамуына әсері
3. Қатыгездіктің салдары
4. Асырап алушы ата-ана тарапынан балаларды эмоционалдық қолдау ерекшеліктері
5. Баланың жаңа отбасыға бейімделуі
6. Балаға шекаралар мен қағидалар белгілеу
7. Мектептегі мінез-құлық ерекшеліктері
8. Биологиялық ата-аналармен және туыстарымен өзара қарым-қатынас
9. Жасөспірімдермен өзара әрекет ерекшеліктері
10. Жыныстық тәрбие
11. Қиын мінез-құлық
12. Бала асырап алу мәселелері бойынша құқықтық база
Біздің бағдарламамыздың тақырыптары үміткерлердің көпшілігіне баланы отбасына қабылдауға дайын екендігі туралы салмақты шешім қабылдауға, сондай-ақ ата-анасының қамқорлығынсыз қалған балалар туралы мифтерден арылуға, ықтимал қиындықтарға дайындалуға және оларды қалай шешуге болатынын білуге мүмкіндік береді.
Асырап алушы ата-аналар мектебінен кейін не болады?
Алмастырушы ата-ана болуға үміткерлер үшін келесі қадам – Egov.kz арқылы асырап алуға үміткер ретінде есепке тұру
Одан кейін үміткер жетім балалардың деректер базасын аша алады, онда асырап алуға болатын балалардың сауалнамаларын көре алады.
Біздің Асырап алушы ата-аналар мектебінен кейін асырап алынатын балаларды қабылдаған отбасыларға бейімделу кезеңінде біздің мамандарымыз қолдау көрсетеді.
Жиі қойылатын сұрақтар
Асырап алушы ата-аналар мектебіне қалай кіруге болады?
Алматы: +7 (707) 689 7800
Астана: +7 (7172) 35 28 98
Теміртау: +7 (708) 430 0793
Қарағанды: +7 775 616 0923
