Баламалы қамқорлық
Баламалы қамқорлық жобаларымызда балалар өздеріне жаңа отбасы табады. SOS балалар ауылдарында, жастар үйлерінде балалар мен жасөспірімдер әлемнен оқшауланбаған: олар кәдімгі балабақшаларға, мектептерге, колледждерге, секциялар мен үйірмелерге барады. Олардың Ауылдан тыс жерлерде достары бар. Бұл балалардың өз бетінше өмір сүруіне көмектеседі.
Сонымен қатар балаларға психологтер, тьюторлар және басқа да мамандар қолдау көрсетеді. Біз оларға сынақтардан кейін қалпына келуге көмектесу, бақытты балалық шағын қайтару және толыққанды дербес өмірге дайындау үшін қолдан келгеннің бәрін жасаймыз.
SOS балалар ауылдары дегеніміз не?
SOS балалар ауылы – өз отбасында тұру мүмкіндігінен айырылған балаларды отбасылық жағдайда тәрбиелеудің ерекше түрі. Әдетте балалар ауылы 10-12 отбасылық үйден тұрады. Оларда бір тәрбиеші ата-анадан (немесе отбасылық жұптан) және 4-5 баладан тұратын отбасылар тұрады. Туған ағалы-інілер мен апалы-сіңлілер міндетті түрде бір отбасылық үйде тұрады.
Тәрбиеші ата-ана – балалармен бірге тұратын, оларды қамқорлық жасап, қолдау көрсететін кәсіби дайындалған асырап алушы ата-ана. Олар балаларға әрдайым қолдайиын, қамқорлық және эмоциялық қолдау көрсететін ересектердің бар екендігіне сенімділікті дамытуға көмектеседі. 2017 жылдан бастап ауылдарда отбасылық жұп жұмыс істейді, оларда әйелі – Ауыл қызметкері, ал күйеуі балаларды тәрбиелеуге қатысады.
Сондай-ақ 2017 жылы SOS Қазақстан балалар ауылдарында ауылдан тыс жерлерде, қалалық пәтерлерде тұратын біріктірілген отбасылар пайда болды. Қазір ондай отбасылар саны 5-еу. Интеграцияланған отбасылардағы балалар Балалар ауылындағы балалар сияқты мамандандырылған көмек ала алады.
Біз балаларға тұрақтылық пен қауіпсіздікке кепілдік береміз. Барлық отбасы балалар ауылының инфрақұрылымын пайдаланады және әрқашан қолдау көрсететін мамандардың – отбасылық көмекшілердің және балаларға қолдау көрсету, дамыту жөніндегі мамандардың көмегіне сүйене алады.
SOS балалар ауылдарындағы жастар қамқорлығы
Жастар қамқорлығы – жасөспірімдерге өз бетінше ересек өмірге дайындалуға мүмкіндік беретін бірегей бағдарлама.
16 жастан бастап біздің қамқорлығымыздағы жасөспірімдер мамандармен талқылау арқылы одан әрі тұру нұсқасын таңдай алады. Олардың отбасылық үйде қалуына, топтық жеткіншектер үйіне, жасөспірімдер үйіне немесе оқу орнының жанындағы жатақханаға көшуіне болады. Балалар ауылынан тыс жерде тұрып, олар анағұрлым дербес болып, қалалық ортада өмір сүруге, көршілермен араласуға және қалалық қызметтерді пайдалануға үйренеді. Бұл дағдылар оларға өз бетінше өмір сүруге сәтті көшу үшін қажет.
Топтық жеткіншектер үйінің тәрбиешілері мен ұстаздары 5-6 жеткіншектің жайлы тұруын қамтамасыз етеді, онда олар тұрмыс-тіршілігін жүргізуге және бос уақытын ұйымдастыруға үйренеді. Жеткіншектер үйі – көбінесе 8-10 шақты жас тұратын, оқитын және ересек өмірге дайындалатын пәтерлер блогы немесе жеке тұрғын үй.
